Е-ХЕМИЈА

Во време на електронски комуникации, во време на социјални мрежи и интернет медиуми се појави потреба од нов начин на реализирање на наставните програми по сите предмети во целиот образовен систем.

Проектот Е-ХEMIJA, има за цел, во време кога образованието се сведе на настава од далечина, но и во периодот кога ќе се надмине пандемијата и образовниот процес ќе се врати во нормaлниот тек, презентациите поставени на оваа веб страна да помагаат во реализацијата на наставата и во изучувањето на наставниот материјал по хемија.

Професионално изработени, современо обликувани, со многу визуелни и звучни ефекти, на разбирлив начин прифатливи за сите, со доза на хумор и со интересни факти, презентациите поставени на оваа веб страна (www.ehemija.mk) ја прават хемијата, како предмет, интересна за сите.
Во презентациите опфатени се сите наставни содржини по предметот хемија од основно одделение, до високо образование.

За авторот

Иницијатор за постоењето на оваа веб страна и уредник на презентациите и другите содржини на страната е професор Блаже Димески. Професорот Блаже Димески, со 27 годишно искуство во наставата по хемија е еден од најтрофејните професори по хемија во Македонија, со многу освоени награди на неговите ученици на различни државни или меѓународни натпревари по хемија.
Од 2013 година, за потребите на наставата по хемија во гимназиското образование, професор Блаже Димески, пионерски, на интернет започна да прави база со презентации која за неколку години достигна бројка од над 800 презентации, користени во наставата по хемија ширум Македонија.

За постигањата и придонесот во образованието во Прилеп, во 2014 година ја доби престижната градска награда „Трети ноември“