Хемија за сите

MOXIE - уред за добивање на кислород на Марс

Некогаш научна фантастика, денес реалност. Човекот успеа да произведе кислород на Црвената планета.

"Кога ќе испратиме луѓе на Марс, ќе сакаме тие безбедно да се вратат на земјата. За да го направат тоа потребна им е ракета која ќе може да се лансира од Марс. Погон на течен кислород е нешто што би можеле да го направиме таму и не мора да го носиме како товар од земјата. Една идеја е да се однесе празен резервоар за кислород и да се наполни на Марс “

Објаснуваше во 2014 година, Мајкл Хект, главен истражувач на инструментот MOXIE и помошник директор за управување со истражување на опсерваторијата при Институтот за технологија во Масачусетс (MIT).

michael hecht moxie

Michael Hecht, главен истражувач

Демонстрацијата на технологијата штотуку започна и таа веќе го означи преминот од научна фантастика во научен факт: Добивање и складирање на кислород на Марс е можно.  Оваа е важна фаза за обезбедување на енергија за идните ракети што ќе ги враќаат астронаутите од Марс кон Земјата или од Марсовата површина ќе ги испраќаат до другите подалечни простори и вселенски тела.

Ова е револуционерна машина наречена со акронимот MOXIE (Mars Oxygen In-Situ Resource Utilization Experiment ), што е со големина на тостер.


мокси поставување на мокси во роверотмокси - поставување
Мокси

Атмосферата на Марс е 96% јаглерод диоксид. MOXIE го одделува кислородот од молекулите на јаглерод диоксид, при што се добива еден атом на јаглерод и два атоми на кислород. Нус-производот на оваа реакција е јаглерод моноксид кој се ослободува во атмосферата на Марс. Процесот на конверзија бара температура од околу 800 степени Целзиусови, и затоа експерименталниот конвертер е изработен од материјали отпорни на топлина. Неговиот дизајн вклучува 3Д-отпечатени делови од легури на никел, кои ги загреваат и ладат гасовите што минуваат низ нив и бестежински аерогел кој ја заробува топлината. Тенка златна обвивка од надворешната страна на MOXIE рефлектира топло инфрацрвено зрачење, со што се штитат другите делови на роверот.

делови на моксиДелови и функции на Мокси

Во првиот експеримент, приносот на кислород бил прилично скромен, околу пет грама, што е еквивалентно на количината на кислород што астронаутот го вдишува за 10 минути. Нема сомнение дека истражувањата ќе одат во насока на зголемување на капацитетот на овој уред а тоа ќе овозможи подобри услови за тераформирање* на Марс.

*Тераформирање (тераформација) е прилагодување на условите на некоја друга планета или небесно тело за да се овозможи живот на земски растенија, животни и луѓе.

Автор на статијата: Блаже Димески
29 јуни 2021
Сер Вилијам Ремзи

Хемичарот кој додаде уште една група во Периодниот систем на елементите

Историјата на огледалото

Огледалото, како предмет, e еден од безвременските цивилизатори на човештвото

Молекуларни магнети

Дилантанидните комплекси би можеле да го отворат патот за нов вид на супермоќни перманентни магнети

>> Прочитај повеќе слични содржини!   

Генерален спонзор

генерален спонзор

Хит-твит

hit-tvit

Пријатели на науката

спонзор
спонзор
спонзор

Презентации и поимници

Презентации за основно образование

e hemija

Презентации за средно образование

hemija .ppt

Контактни информации:

e-hemija logo

Здружение за унапредување и развој на образованието и науката
„Е-ХЕМИЈА“ – Прилеп

Испрати порака:
e-hemija контакт

Е-Хемија на Facebook:
e-hemija facebook

Е-Хемија на Twitter:
e-hemija facebook

Пријатели на науката:

Здружение за унапредување и развој на образованието и науката „Е-ХЕМИЈА“ – Прилеп
Copyright © 2023 ehemija.mk

WebDesign www.nainternet.mk

e-hemija