Хемијата на кондомите

Кондомите се пристапна, популарна и ефикасна контрацепција која обезбедува заштита од сексуално преносливи инфекции(СПИ) и несакана бременост.

Иронично, некои од состојките во кондомите всушност може да го зголемат ризикот од добивање СПИ, габични инфекции и други состојби со предизвикување иритација или алергиски реакции или нарушување на вагиналниот микробиом.

Најраните докази за употребата на кондом датираат од околу 3000 години п.н.е. Археолозите откриле слики и резби во древен Египет и Грција што покажуваат предмети слични на кондоми. Првиот кондом во светот, изработен од говедска кожа. Првите траги од кондоми се пронајдени околу 1350 година пред нашата ера во Египет. На мумиите го користеле балсаматорите, но не е познато дали Египќаните ги носеле од сексуални или ритуални причини. Египќаните навистина биле првите кои носеле кондоми, направени од фин лен натопен со маслиново масло, па дури и отишле дотаму што ги правеле во различни бои.

Сепак, првите пишани записи за кондоми се појавуваат многу подоцна, во 16-тиот век, кога италијанскиот лекар Габриеле Фалопио го направил првиот кондом, направен од ленено платно, наменет за заштита од сифилис, кој тогаш бил сериозна епидемија во Европа. Во 18-тиот век, кондомите почнале да се изработуваат од животински црева, кои биле попопуларни поради нивната пофлексибилна текстура. Масовната употреба на кондоми започнува со откривањето на вулканизацијата на гумата во 19-тиот век, што овозможило создавање на поздрава и поефикасна верзија на модерниот кондом.

Сигурноста може да биде и забавна

Кога луѓето имаат алергиска реакција на кондоми, тие често претпоставуваат дека имаат алергија на латекс. Сепак, само околу 4 проценти од општата популација има алергија на латекс, па затоа е поверојатно дека луѓето се алергични на една од многуте состојки што се користат за да се направат кондомите мазни, навлажнети и поефикасни.

Кондомите од латекс се класифицирани како медицински помагала од класа II, што значи дека производителите не се обврзани да ги наведат состојките.

Прво: Нема генерално „лоши“ или „добри“ состојки во кондомите.

1. Во неподмачканите кондоми се користат прашоци за да се спречи лепењето или кинењето на кондомот. Во минатото, ова често беше талк во прав, но талкот повеќе не се користи вообичаено поради неговата поврзаност со ракот на јајниците. Многу производители на кондоми наместо тоа користат пченкарен скроб, кој е направен од пченкарни зрна. Сепак, пченкарен скроб може да се меша и со конзерванси, како што се силициум диоксид или антиоксиданси, за да може кондомот да трае подолго. Овие не се штетни, но може да предизвикаат алергиска реакција кај некои луѓе.

2. Глицерин како лубрикант: иако самиот не е штетен, глицеринот може да ги оштети или иритира клетките, што потенцијално го зголемува ризикот од добивање СПИ, како што се херпес и ХИВ. Кога ќе остане во вагината, глицеринот може да се трансформира во шеќер, што може да ја наруши вагиналната pH рамнотежа и да предизвика габични инфекции. Кондомите со силиконско подмачкување може да бидат уште една безбедна опција бидејќи силиконот не се апсорбира од кожата и не испушта хемикалии во вашето тело.

3. Некои кондоми содржат спермицид, кој ја имобилизира спермата, спречувајќи ја да стигне до јајце клетката. Спермицидот што најчесто се користи е ноноксинол-9 (N-9), хемикалија базирана на нафта a доведува до оштетување на акросомната мембрана на спермата и до нивна неможност да ја растворат мембраната на јајце клетката.

Сепак, податоците сугерираат дека малата количина на спермицид на кондомите не е доволна за да ги направи кондомите обложени со спермициди поефективни во спречувањето на бременоста од необложените кондоми, кои се 98 проценти ефективни кога се користат правилно. Сепак, важно е да се напомене дека N-9 не ги спречува сексуално преносливите болести или инфекции, а всушност ги убива клетките во внатрешноста на гениталиите и ѕидовите на ректумот, што може да го зголеми ризикот од СПБ/СПИ. Спермицидот исто така може да предизвика печење и иритација на вагината и да го зголеми ризикот од инфекции на уринарниот тракт.

4. Средствата за десенбилизација се продаваат на мажи кои доживуваат предвремена ејакулација и тврдат дека им помагаат да имаат подобри резултати. Бензокаинот е локален анестетик кој се користи во некои кондоми кои ветуваат дека ќе ги направат мажите подолго да издржат во кревет со намалување на чувствителноста. Иако мала количина на бензокаин може да биде безопасна, употребата на голема количина и премногу често може да предизвика сериозна токсичност или алергиска реакција. Бидете внимателни кога купувате кондоми кои нудат„подолго задоволство“или тврдат дека помагаат„подолго да траат“.

5. Аромите се прават со шеќер (глукоза), кој може да предизвика инфекции со квасец, исто како и подмачкувањето со глицерин. Подобро да ги избегнувате ваквите производи.

6. Нитрозамините, нуспроизвод на производството на латекс, се уште една состојка за која треба да се внимава во кондомите. N-нитрозамините, како што се формално познати, се моќни канцерогени агенси, а претходно се шпекулираше дека нивната употреба во кондоми може да доведе до рак на грлото на матката. Сепак, студиите оттогаш сугерираат дека ризикот од рак од нитрозамините во кондомите е „многу низок“ и дека „луѓето се редовно изложени на нитрозамини од храната и чадот од тутун во доза која е 1.000-10.000 пати поголема од очекуваната од употребата на кондоми“.

7. Парабените се најчесто користен конзерванс кој се наоѓа во многу производи, вклучувајќи преработена храна, козметика, фармацевтски производи и кондоми. Парабените спречуваат акумулација на бактерии додека кондомот е во пакувањето. Ефектите врз човековото здравје од парабените во мали дози се непознати, но парабените не се акумулираат во кожата или другите органи на телото. Научниците открија дека парабените може да го нарушат естрогенот со имитирање на хормонот и пронајдоа соединенија на парабен во туморите на дојката. Сепак, количината на парабени што се користат во производите, вклучувајќи ги кондомите и козметиката, е мала, а специфичниот тип на парабени што се користат за овие производи брзо се метаболизира во телото. Поради оваа брза метаболизација, истражувачите веруваат дека само секојдневната и широка употреба на производи кои содржат парабени на крајот ќе доведе до акумулација. Врз основа на тековните истражувања, парабените се класифицирани како нетератогени, немутагени и неканцерогени и се сметаат за безбедни за употреба.

8. Казеинот е млечен протеин кој ги прави кондомите од латекс мазни, тенки и флексибилни. Казеинот може да иритира некои луѓе кои се чувствителни на млечни производи. Тоа е исто така она што им дава на кондомите страшен мирис на гума. Најдобро е да барате вегански кондоми ако сакате да ја избегнете оваа состојка.

Заклучок?

Купувањето кондоми со подобри состојки не е како купување торта, но можете да го направите тоа со малку истражување. Генерално, кондомите направени од природна гума латекс, пченкарен скроб во прав и силиконско подмачкување се добро место за почеток.